ALFAAZ-E-DIL

ALFAAZ ka matlab hota hai "SHABD".

DARD BAAR-BAAR APNA BAYAAN KYA KARNA

Dard baar-baar apna bayaan kya karna,
Aabroo par daag toh apno ne lagaya
Ab gairo se haya kya karna.

Jaam khatm hote hi saaqi phir bharne laga,
Saaqi bhi apna yaar thehra..ab use mana kya karna.

Hamare dar par jo bhi aaya kabhi khali na gaya,
Ab maut aayi hai..bhala use khali haath rawaan kya karna.

Woh jaate-jaate gehra ghaav de gaya,
Yeh mohabbat ka ghaav hai..iski dawa kya karna.

Aadmi kitna bhi mahaan ho,use aadmi hi rehne do,
Yun chhoti-moti baaton ke liye use rehnuma kya karna.

Maddham baarish,tum aur main,aur ek sunsaan sadak,
Aisa manzar toh aane se raha..aise manzar ki duaa kya karna.

                                        -RANA PRATAP SINGH